С.Амарсайхан: "Эм Ди Си Пи" ХХК-ийн үйл ажиллагаатай холбогдуулан хяналт шалгалт хийх ажлын хэсэг байгуулна

Засгийн газрын ээлжит хуралдаан өнөөдөр боллоо. Өнөөдрийн хуралдаанаар олны анхааралд ороод буй Эмээлт дэх мах бэлтгэх "Эм Ди Си Пи" ХХК-ийн үйл ажиллагаатай холбогдуулан хяналт шалгалт хийх ажлын хэсэг байгуулахаар болжээ. Уг ажлын хэсгийг Шадар сайд С.Амарсайхан ахлахаар болжээ. Тэрбээр хэлэхдээ "Өчигдөр цаг үеийн нөхцөл байдалтай холбоотойгоор МХЕГ, ШӨХТГ-ын удирдлагуудыг дуудаж уулзсан. Зарим махны үйлдвэрүүдэд хяналт шалгалт хийх үүрэг өгсөн. Цаашид хүний өдөр тутмын ажил амьдрал, аюулгүй байдалтай холбоотой асуудалд тогтмол хяналт шалгалтыг хийх шаардлага байна гэж үзэж байгаа. Цаашид хүнсний аюулгүй байдал, хүний амь нас эрүүл мэнд, зам, дэд бүтэц, барилга байгууламж зэрэг хүний аюулгүй байдалтай холбоотой асуудалд холбогдох мэргэжлийн байгууллагууд хяналт шалгалт тогтмол хийж байх шаардлагатай байна.

Эмээлтэд 32 мах бэлтгэх, боловсруулах үйлдвэр байна. Мөн дулааны аргаар боловсруулсан мах, махан бүтээгдэхүүн экспортлохмах экспортлох зөвшөөрөлтэй 60 гаруй компани байна. Гэвч зөвшөөрөлтэй нэрийн дор алдаа завхрал гарсан байхыг үгүйсгэхгүй. Зөвшөөрөл авсан ААН-үүд стандартын дагуу эрүүл ахуйн шаардлага хангасан орчинд мах бэлтгэн боловсруулах ёстой. Иймд стандартыг хангуулах тал дээр холбогдох яам, агентлаг ажиллах хэрэгтэй. Байгууллагууд хамтарч ажиллах шаардлагатай" хэмээлээ.