Иргэн Н.Даваажавын гэрийг байгаль хамгаалагч нар хашаанд нь барьж өгчээ

2016 онд тухайн үеийн БОАЖ-ын сайд Богдхан Уулын дархан цаазат газарт олон жил амьдарсан уугуул иргэдийг газраа ашиглах эрхийг олгосон шийдвэр гарчээ. Гэтэл тухайн үеийн БОАЖЯ-нд Дархан цаазат газар хариуцдаг байсан мэргэжилтэн, ХУД-ийн 11-р хорооныхон албан бичгийг нуун дарагдуулж иргэн Н.Даваажав ашиглах ёстой газраа алдаад байгаа талаар бид мэдээлсэн.

Улмаар Шүүхийн шийдвэр гүйцэтгэх ерөнхий газрын ажилтнууд иргэний гэрт очиж гэрийг нь гадаа овоолж, иргэн овоолсон гэрээ манаж гудамжид тав хоног байсан юм.

Тэгвэл иргэний асуудлыг БОАЖЯ шийдэж Богдхан уулын дархан цаазат газрын захиргааны байгаль хамгаалагч нар гэрийг нь өчигдөр орой барьж өгчээ.

Иргэн Н.Даваажав газар ашиглах талаараа дахин БОАЖЯ-нд бичгээр хүсэлт хүргүүлсэн байна. Газрын маргаантай асуудлыг БОАЖЯ шийдвэрлэж өгөх бүрэн боломжтой гэх мэдээллиг өгөөд байгаа юм.