Хүүхдийн тэтгэмжийг орлоготой уялдуулан тогтоож, эцэг эхийн данснаас шууд татна

Хүүхдийн мөнгөн тэтгэмжийг шууд данснаас нь суутгаж авах зохицуулалтыг оруулж ирлээ.

УИХ-ын эмэгтэй гишүүд хамтран Гэр бүлийн тухай хуульд нэмэлт өөрчлөлт оруулах тухай хуулийн төслийг өргөн барилаа. Үүнд:

·Тэтгэмжийн хэмжээг тогтоохдоо Хүн амын орлогын албан татварын тухай хуульд заасан орлогынх нь 50-аас доошгүй хувьд нь уялдуулах,

·Хүүхэд хүндээр өвдсөн, хөгжлийн бэрхшээлтэй болсон тохиолдолд дахиж шинжээчдийн баг томилуулаад энэ зардлыг тэтгэмж төлөгчтэй нь хамтран төлүүлэх,

·Тогтоосон тэтгэмжийг шууд данснаас нь суутгаж авах зохицуулалтыг хуулийн төсөлд оруулж байна.

ШШГЕГ-аас хүүхдийн тэтгэмжийн мөнгөний төлөлт тун хангалтгүй байгаа талаар жил бүр мэдээлдэг билээ. Өнөөдрийн байдлаар 34 тэрбум төгрөгийн тэтгэмж төлөгдөөгүй байна.