Э.Цэндбаатар: З.Шинэчагтагыг тулаанд дуудаж, ард түмний нүдэн дээр зодмоор байна

Сонирхогчдын боксын ДАШТ-ний хүрэл медальт, гавьяат тамирчин Э.Цэндбаатар "999-Fight Night" холбооноос өчигдөр буюу тавдугаар сарын 28-нд зохион байгуулсан “999 Fight night” халз тулааны үеэр дараах зүйлийг ярьлаа.

Э.Цэндбаатар: Манай найз Г.Чинзориг өнөөдөр тоглож байгаа учраас найзыгаа дэмжихээр ирсэн. Миний хувьд зургаан сард мэргэжлийн боксоороо Америк явах төлөвлөгөөтэй байна. Энэ жил Азийн наадам хойшилсон. 

Тэрбээр халз  тулааны үеэр  “Шинээ энд байхгүй байна. З.Шинэчагтага бид хоёр маргалдсан байгаа. Би түүнийг мэргэжлийн боксоор тулаанд дуудмаар байна.Ард түмний нүдэн дээр зодмоор байна. Өнөөдөр тэр энд алга, айсан юм шиг байна.Хэрвээ надтай тулалдахыг хүсч байвал хараарай” гэв.