Бурхан багшийн их дүйчэн өдрийг угтан Ёс суртахууныг түгээе сэдэвт Тик ток видео бичлэгийн уралдааныг зарлажээ

Бурхан багшийн их дүйчэн өдрийг угтан нийтэд нээлттэй олон улсын эрдэм шинжилгээний хурал болон хүүхдийн баярын өдөрлөгийг зохион байгуулахаар болсон байна. 

 “Бурхан багшийн сургаал дэлхий дахинд” ОУ-ын эрдэм шинжилгээний хуралд:

•  Азийн Буддист Энх Тайвны Бага хурлын Энэтхэг, Шри Ланк, Непаль, Вьетнамын үндэсний төвийн төлөөлөгчид,
•  АНУ-ын Монтанагийн Их Сургуулийн Байгаль Орчны Түүхч, доктор Betsy Quammen,
• Wolverine Foundation-гийн Гүйцэтгэх Захирал Rebecca Watters,
• Асралт ТББ-ын УЗ-ийн гишүүн, зөвлөх Yuеli Minder болон МБШТ Гандантэгчэнлин хийд, МБШИх сургууль, МУИС-ын эрдэмтэн судлаач нар оролцоно.

Эрдэм шинжилгээний хурал 5-р сарын 28-ны бямба гаригийн 10:00 цагт МБШТ Гандантэгчэнлин хийдийн Батцагаан дуганы А танхимд болно.

Эрдэм шинжилгээний хурлын зохион байгуулагчид:

• Азийн Буддистуудын Энх Тайвны Бага Хурал,
•  МБШТ-Гандантэгчэнлин Хийд,
• Монголын Сүсэгтний Холбоо НҮТББ
• Бурхан багшийн их дүйчэн өдрийг зохион байгуулах ажлын хэсэг

Хүүхэд багачуудад зориулсан өдөрлөгийг 6-р сарын 1-ний өдөр МБШТ Гандантэгчэнлин хийд дээр зохион байгуулна. Өдөрлөг олон нийтэд нээлттэй тул хүссэн хүүхэд бүр оролцох боломжтой.  Өдөрлөгөөр:

-          Эрийн гурван наадам

-          Уламжлалт тоглоом

-          Дугуй, скүтерны уралдаан

-           Шатар, даамны уралдаан

-          Спорт аяга өрөлтийн уралдаан

-          Баримлын шавраар бүтээл урлах тэмцээн

-          Зургийн уралдаан

-          Төвөд, хуучин монгол бичгийн цэвэр бичигтний уралдаан

-       Шүлэг, дууны уралдааныг зохион байгуулна. Мөн номын асар, хүслээ шивнэх асар болон урлагийн тоглолт, цэнгээнт үзвэр, дээд сургуулиудын театрчилсан тоглолт болох тул  хүүхэд багачууд, эцэг эх, асран хамгаалагч нарыг өргөнөөр оролцохыг урьж байна.

Мөн Бурхан багшийн их дүйчэн өдрийг угтан Ёс суртахууныг түгээе сэдэвт Тик ток видео бичлэгийн уралдааныг зарлаж байна.