Жирийн иргэн Зайсанд газар эзэмших эрхгүй, БОАЖЯ-ны ажилтан, хороо нь нийлж газрыг нь булаасан байж болзошгүй байна

Газраа булаалган, шүүхийн шийдвэрээр чөлөөлж орох оронгүй болж байгаа тухайгаа нэгэн эмэгтэй манай редакцид хандан, мэдээлэл өглөө. 2016 онд Зайсанд олон жил амьдарсан иргэдэд газар ашиглах зөвшөөрлийг олгох тушаалыг тухайн үеийн байгаль орчны сайд нь гаргасан. Иргэн Даваажав Зайсангийн эцэст 10 гаруй жил амьдарсан учраас БОАЖЯ-нд очиж сурагласан. Гэтэл БОАЖЯ-ны мэргэжилтэн Гал гэдэг хүн тийм тушаал гараагүй, шүүхээрээ шийдүүл гэж мэлзэж нуусан. Харин ХУД-ийн 11-р хороонд нөгөө албан бичиг нь ирчихсэн байхад иргэн Даваажав 2 жилийн дараа мэдэж, хуулбарыг нь хорооныхоо архиваас олж авсан. Ингээд бүх зүйл дууссан хойно мэдэж, шүүх дээр газрыг нь авахаар санаархсан компанид ялагдаж, өндөр настай ээж, гурван өнчин ачтайгаа очих газаргүй, гудамжид гарчээ. Шүүхийн шийдвэрээс ирж барьж авч байгаад гэрийг нь нурааж, хашааг нь чөлөөлөөд явж. Яам нь, хороо нь ч дээрэмчин. Бүгд ядарсан нэг эмэгтэйг дээрэмдээд газрыг нь булааж чадаж байна. Ийм л гунигтай нийгэмд амьдарч байна. Даваажав гуай 38 жил сувилагч мэргэжлээр тасралтгүы ажилласан ч төр түүнийг дээрэмджээ.