Эмээлтэд байдаг үйлдвэр хятад шошготой нунтаг бодисыг махтай хольж байсан нь тогтоогджээ

Эмээлт дэхь мах бэлтгэлийн үйлдвэр Эм Ди Си Пи компанийн мах бэлтгэх газрын орчин бохир, маханд бодис хольсон байж бозошгүй байгаа юм.  Тухайн махны үйлдвэрийн мах болон ашигласан бодист нийт 11 төрлийн шинжилгээ хийж байгаа талаар МХЕГ-аас мэдээлсэн. 

Үйлдвэрийн маханд Мал эмнэлэг ариун цэврийн төв лабораториос шинжилгээ хийсэн бөгөөд шинжилгээний хариу үдээс хойш гарах талаар мэдээллээ. Мөн тухайн газарт байсан хятад бичигтэй бодист МХЕГ-ын Хабул лабораторит шинжилгээ хийж байгаа юм. 

НМХГ-ын Хүнсний аюулгүй байдал, хөдөө аж ахуйн хяналтын хэлтсийн дарга Х.Нямбаатар "Манай байгууллагад “Эм ди си пи” ХХК-д холбогдох гомдол шуурхай дуудлагын утсаар ирсэн. Хяналт шалгалтаар эрүүл ахуйн шаардлага хангахгүй, агуулахын бүртэлгүй болох нь тогтоогдсон. Мөн БНХАУ-д үйлдвэрлэсэн хятад шошготой, хугацаа нь дууссан нунтаг бүтээгдэхүүнийг зааваргүй хэрэглэж байсан. Бид бодисноос болон ямааны махнаас дээш авсан. Мөн тэнд хэрэглэж байсан ундны ус болон бодисыг хэрэглэж байсан уснаас дээж авсан хамрагдуулсан. Шинжилгээний хариу өнөөдөр гарна. Одоогоор байцаагч дээр хариу ирээгүй байна. Хяналт шалгалтын үйл ажиллагаа явагдаж байгаа. Махыг Хятад руу гаргах гэж байсан  эсэхийг асуусан. Гэтэл дотооддоо борлуулж, түгээнэ гэж хэлээгүй. Ямартай ч хаяг шошгогүй бодис хэрэглэж байсан дээр нь Зөрчлийн тухай хуулиар зөрчлийн хэрэг нээнэ. Өмнө нь Эмээлт орчим дахь махны үйлдвэрүүдэд хяналт шалгалт хийсэн. Шалгалтаар ариун цэвэр хангахгүй зэрэг олон зөрчил илэрч байсан.