​ УИХ-ын гишүүн Г.Ганболд 60 км замын ажлын гүйцэтгэгчид шаардлага тавилаа

УИХ-ын гишүүн Г.Ганболд Өвөрхангай аймгийн удирдлагууд болон М.Чинзориг гишүүний хамт улсын чанартай Арвайхээр-Улаанбаатар чиглэлийн авто замын 371-431 км дэх хэсэгт засварын ажил гүйцэтгэж буй болон зөвлөхөөр ажиллаж компаниудын төлөөлөлтэй уулзжээ.

Уулзалтаар замын чанар, ажилчдын нөхцөл байдал, ажлын хариуцлага зэрэг олон асуудлаар асуулт асууж, дараах шаардлагуудыг тавьсан байна.

1. Технологийн горим алдагдсан 21.4 км авто замын засварын ажлыг дахин хийж, чанарыг сайжруулах

2. Зөвлөхөөр ажиллаж буй "ICT Sain Consting" компани гүйцэтгэгчийн ажилд тавих хяналт, шаардлагаа сайжруулан улсын чанартай томоохон ажилд сэтгэл гарган ажиллах

3. Ажилчдын цалин, хөлсийг хохиролгүй нөхөн олгох

4. Орон нутгийн иргэдийн техникийг түрээсэлсэн төлбөрөө яаралтай шийдвэрлэж өгөх.