Б.Жавхлан: Арванхоёрдугаар сарын 31 гэхэд тайлан муу гарвал Хөгжлийн банкийг татан буулгана

Сангийн сайд Б.Жавхлан: Хэрэв Хөгжлийн банк өөрөө төлж чадахгүй бол Засгийн газраас төлнө. Иймд чанаргүй зээлүүдийг яаралтай төлүүлэх шаардлагатай. Хөгжлийн банкны чанаргүй зээл төлөгдөхгүй байсаар арванхоёрдугаар сарын 31 гэхэд тайлан нь муу гарвал Хөгжлийн банкийг татан буулгана. Энэ жилдээ чанаргүй зээлийн 800 тэрбум төгрөгийг төлүүлэх төлөвлөгөөтэй байна. Одоогоор цугларсан 260 тэрбум төгрөг нь Самурай бондын 30 хувьд нь хүрнэ. Хөгжлийн банк дээр үүссэн ТӨҮГ-тай холбоотой зээлийг хэрхэн төлүүлэх талаар дараагийн хурлаар шийдвэрлэж мэдээлэл өгнө. Хөгжлийн банкийг татан буулгаж, Засгийн газарт дарамт болгохгүйн тулд чанаргүй зээлүүдийг төлүүлэхэд анхаарч байна.