Б.Жавхлан: "Кью Эс Си" компани өнөө маргаашгүй 60 тэрбум төгрөгийг төлөхөө мэдэгдсэн

Сангийн сайд Б.Жавхлан : Хөгжлийн Банкны чанаргүй зээлээс 201 тэрбум төгрөг төлөөд байна. Мөн  "Кью Эс Си" компаниас өнөө маргаашгүй 60 тэрбум төгрөгийг төлөхөө мэдэгдсэн. Хөгжлийн Банк  хариуцлагатай байж, хуулиа баримталж ажиллах ёстой. Өөрийн гэсэн хуультай институц тул ил тод, нээлттэй байж, чанаргүй зээл зэрэг асуудлыг гаргаж болохгүй. Саяхан Олон Улсын Валютын Сангийн төлөөлөл манай улсад ажиллахдаа Хөгжлийн Банк ийм байдалтай ажиллавал татан буулгасан нь дээр гэсэн зөвлөмж өгсөн. ОУВС ингэж хэлж байна гэдэг нь олон улсын хөрөнгийн зах зээлд ийм мессэж хүчтэй очиж байгаа. Иймээс энэ онд балансаа сайжруулж  хэвийн байдалд нь оруулж чадна гэдгээ харуулахын төлөө ажиллана.