Д.Ганбатыг бүлгийн даргаас чөлөөлөх асуудлыг хэлэлцэж байна

Хуваарь ёсоор өнөөдөр /2022.05.09/ УИХ дахь бүлгүүд хуралдаж энэ долоо хоногт чуулган, байнгын хороогоор хэлэлцэх асуудлуудад байр сууриа нэгтгэдэг. 

АН-ын бүлгийн хуралдаанаараа Д.Ганбатыг бүлгийн даргаас чөлөөлөх асуудлыг хэлэлцэх юм байна. Түүнийг өнгөрсөн оны аравдугаар сард бүлгийн даргаас чөлөөлсөн ч тэрбээр өнөө хэр "зууралдсаар" буй. 

Тодруулбал, УИХ дахь АН-ын бүлгийн дарга Д.Ганбатыг бүлгийн даргын үүрэгт ажлаас чөлөөлж, бүлгийн даргын албан тушаалыг бүлгийн дэд дарга Н.Ганибалд шилжүүлэх шийдвэрийг өнгөрсөн онд гаргасан билээ. Энэхүү шийдвэрийг УИХ-д хүргүүлсэн хэдий ч энэ талаарх мэдээллийг  УИХ-ын дарга чуулганы индэр дээрээс уншиж, танилцуулаагүй.  Энэ тухай УИХ-ын гишүүн О.Цогтгэрэл Н.Ганибалыг бүлгийн даргаар томилох хүсэлтийг УИХ-ын дарга дахин хүлээн авахгүй Цэцэд хандана гэдгээ мэдэгдэж байсан удаатай. 

Тиймээс дахин Д.Ганбатыг бүлгийн даргаас чөлөөлөх асуудлыг хэлэлцэж байна.