“Сод Монгол групп” ХХК 38,4 тэрбум төгрөгийн тендерт “Photoshop” ашиглаж ялсан байж болзошгүй асуудлыг шалгаж байна

Өнгөрсөн 4-р сард “Эрдэнэт” үйлдвэр зуны түлшний тендер шалгаруулах ажлыг хийжээ. 38.4 тэрбум төгрөгийн түлш нийлүүлэх тендерт шатахуун импортлогч хэд хэдэн томоохон аж ахуй нэгж оролцжээ. Гэвч тендерт шалгарсан Сод Монгол групп дизель түлшнийхээ стандарт хэмжээнд заагдсан хүхрийн агууламжийн хэмжээг Photoshop ашиглан засаж улмаар тендерт ялсан байж болзошгүй асуудлыг цахим сүлжээнд бичиж байгаа. Тэгвэл уг тендертэй холбоотой гомдол Сангийн яамны хуулийн хэлтэст өчигдөр иржээ. Гомдлын дагуу Эрдэнэт үйлдвэрт тендерийн ажлыг түр түдгэлзүүлэх чиглэл өгч гэрээ хийхийг хориглоод байна. Хуулийн дагуу дээрх асуудлыг 14 хоногт шалгах юм байна. Хэрэв хуурамч бичиг баримт ашигласан тохиолдолд тенерт оролцох эрхийг гурван жилээр хязгаарлахаас эхлээд бусад арга хэмжээг авна гэж сангийн яамнаас мэдээллээ.
УИХ, төрийн сэнтийд заларч ард түмний эрх ашгийг хамгаалах ёстой Сод Монгол группын захирал , УИХ ын гишүүн Ц.Анандбазар ингэж луйвар хийсэн бол өөгшүүлж болохгүй. Эрдэнэт үйлдвэрийн Ерөнхий захирал Х.Бадамсүрэн, орлогч захирал Д.Үүрийнтуяа нар Ц.Анандбазарын туслах, зөвлөх байсан хүмүүс гэдгийг зарим хэвлэл онцолж байгаа. 2019 онд Д.Үүрийнтуяа гэгчийг Сод Монгол компанийн Эрдэнэт үйлдвэр хариуцсан захирлаар томилсон гэж цахим сүлжээнд ч бичих болсон. Хамгийн ноцтой нь фотошоп ашиглаж тендерт шалгарч, гэрээний хүрээнд бензин шатахуун нийлүүлсэн тохиолдолд Эрдэнэт үйлдвэрийн техник тоног төхөөрөмжийг эвдэх эсдэл үүсгэх боломжтойг санах хэрэгтэй юм.