Б.Тэмүүлэн хүү эмчилгээгээ хийлгэхээр гэр бүлийн хамтаар Турк улсыг зорилоо

"Цусны цагаан эсийн хорт хавдар” туссан зургаан настай Б.Тэмүүлэн хүүгийн эмчилгээний зардал 100 хувь бүрдэж, бүрэн эмчлүүлээд ирэх боломжтой болсон юм. Ийнхүү Б.Тэмүүлэн хүү өнөөдөр /2022.05.05/ эмчилгээгээ хийлгэхээр гэр бүлийн хамтаар Турк улсыг зорилоо.

Хүүгийн аав Н.Батзул хэлэхдээ "Хоёр өдрийн хугацаанд бидний төсөвлөсөн хүүгийн минь эмчилгээний зардал 570 сая төгрөг цуглаж зуун хувь бүрдсэн. Биднийг дэмжиж тусалсан нийт Монголын ард түмэндээ болон мэдээллийг түгээж өгсөн хэвлэл мэдээлийн байгууллагууд, цахим сайтууддаа маш их баярлаж байна. Монголын ард түмэндээ маш их баярлалаа. Та бүхний минь гэгээн цагаан үйл үеийн үед дэлгэрч, Монголын минь үрс маш олон болох болтугай гэж ерөөе" гэсэн юм.