Г.Дамдинням: Дарханы замыг 4 жил самарч байгаа Хятадын бүтэлгүй компанид ажил өгсөн Үнэлгээний хороог АТГ-т шалгуул

Улсын Их Хурлын чуулганы нэгдсэн хуралдаанаар УИХ-ын гишүүн Г.Дамдинням "Дарханы авто замын эдврэл гэмтэлтэй холбогдуулан иргэд албан байгууллагад учирч буй хохирлыг хэн хариуцах юм. Хохирлын үндсийг тавьсан анхны үнэлгээний хороо, тодруулбал, Азийн хөгжлийн банкны санхүүжилттэй хийж буй төслийн хоёр, дөрөвдүгээр багцыг Хятадын бүтэлгүй компанид хамгийн эхэлж өгсөн үнэлгээний хороог АТГ, хууль хяналтын байгууллагад шалгуул гэдэг хүсэлтийг Л.Халтар сайдад гурван удаа тавьсан. Та гурван удаа татгалзсан. Гол магистраль замаа дөрвөн жил самарчихаад сууж байна" гэсэн юм.