АТГ: Эрүүгийн хэргээр 24 объектод нэгжлэг хийх мөрдөн шалгах ажиллагааг явуулав

Авлигатай Тэмцэх Газрын Мөрдөн шалгах хэлтэс нь 2022 оны дөрөвдүгээр сарын 25-29-ний өдрүүдэд гэмт хэргийн шинжтэй 17 гомдол, мэдээлэл хүлээн авч, нийт 103 гомдол, мэдээллийг шалгажээ.

Үүнээс зургаан гомдол, мэдээлэлд хэрэг бүртгэлтийн хэрэг нээж, 16 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн бөгөөд одоогоор 81 гомдол, мэдээллийг хянан шалгаж байна.

Түүнчлэн эрүүгийн 604 хэрэгт мөрдөн байцаалтын ажиллагаа явуулснаас 14 хэргийг шүүхэд шилжүүлэх, 16 хэргийг хаах саналтай прокурорт хүргүүлж, нэг хэргийг харьяаллын дагуу шилжүүлэх саналтайгаар прокурорын байгууллагад шилжүүлж, хоёр хэргийг нэгтгэн шалгаж байгаа аж.

Мөрдөн шалгах ажиллагаанд одоогоор 571 хэрэг шалгагдаж байна.

Өнгөрсөн долоо хоногт эрүүгийн хэрэгт 24 объектод нэгжлэг хийх мөрдөн шалгах ажиллагааг явуулжээ.

 Эх сурвалж: АТГ