Нөөцийн махыг өнөөдөр гулуузаар нь зарж байна

Хонины нөөцийн махыг кг-ыг нь 7950 төгрөгөөр, харин бүтнээр нь буюу гулуузаар нь худалдан авбал кг нь 7750 төгрөгөөр худалдаалж байна. 
Хүн амын 2022-2023 оны хүнсний хэрэгцээнд зориулан нөөцийн мах бэлтгэн нийлүүлэгчдэд 130 тэрбум төгрөгийн хөнгөлөлттэй зээлийн эх үүсвэрийг шийдвэрлэсэн. Махны бэлтгэн нийлүүлэгч аж ахуйн нэгжтэй махны нөөцийг эрт бүрдүүлж, хэрэглэгчдэд хямд үнэтэй мах нийлүүлэх Хариуцлагын гэрээ байгуулж, хэрэгжилтэд ШӨХТГ-аас хяналт тавьж ажиллах юм байна.
Нийслэлийн хүн амын 2022 оны хаврын улирлын хэрэгцээнд зориулан 23 аж ахуйн нэгж 12.7 мянган тн мах нөөцөлсөн. Нөөцийн махыг нийслэлийн есөн дүүргийн 468 хүнсний дэлгүүрээр худалдаалж байна. Махны нөөц 2022 оны дөрөвдүгээр сарын 25-ны байдлаар үхэр 3600, хонь 6800, ямаа  1150 тн байна.