ТББХ: Дөрвөн гишүүний бүрэн эрхийг түдгэлзүүлэхийг 100 хувь дэмжсэнгүй

УИХ-ын гишүүн Х.Ганхуяг, Ё.Баатарбилэг, Н.Алтанхуяг, Г.Амартүвшин нарын бүрэн эрхийг түдгэлзүүлэх асуудлыг Төрийн байгуулалтын байнгын хорооны хуралдаанаар хэлэлцээд, тэдний бүрэн эрхийг нь түдгэлзүүлэх шаардлагагүй гэж байнгын хорооны гишүүд 100 хувь үзсэн байна. 

Одоо уг санал дүгнэлтийг УИХ-ын нэгдсэн чуулганы хуралдаанаар хаалттай хэлэлцэж байна.

Дээрх нэр бүхий гишүүдийн бүрэн эрхийн асуудлыг Халдашгүй байдлын байнгын хороо, Хуульзүйн байнгын хороо, Төрийн байгуулалтын байнгын хороо тус бүр хэлэлцээд УЕП-ын саналыг дэмжсэнгүй.

Улсын Ерөнхий прокурор Б.Жаргалсайхан хэлэхдээ “Мөрдөх байгууллага мөрдөх шалгах ажиллагаа хийгээд бусдад хүмүүсийг нэгждэг, битүүмжилдэг, албадан саатуулдаг ажиллагаанууд дээр очихоор гишүүний халдашгүй байдал яах аргагүй, хүссэн хүсээгүй ирж байна л даа. Тиймээс энэ асуудлыг шийдэхийн тулд мөрдөх байгууллагыг ажлаа хийх бололцоог нь олгохын тулд л би оруулж ирээд байгаа юм. Гишүүдийг түдгэлзүүлэхгүй аваад үлдвэл мөрдөн шалгах ажиллагаанд хүндрэл учрахыг үгүйсгэх арга байхгүй.Гэхдээ УИХ-аар эцэслэн шийдвэрлэнэ гэсэн” юм.