Ногоон орон сууцны жишиг хотхон ашиглалтад орлоо

М.Төгөлдөр
2022/04/28

Нийслэлийн Орон сууцны корпораци, Германы хамтын ажиллагааны нийгэмлэг, “Хабрид хауз” компани хамтран Чингэлтэй дүүргийн Дэнжийн мянга орчимд эрчим хүчний хэмнэлттэй, ногоон орон сууцны төслийг хэрэгжүүлж буй. Төслийн хүрээнд гурван айлын 2100 ам метр орчим газрыг чөлөөлж, долоон айлын жишиг хотхоныг ашиглалтад оруулан, өнөөдөр нээлтийг нь хийлээ.

Уг орон сууцны гол онцлог нь гүний цэвэр устай, бохироо 98 хувь хүртэл цэвэршүүлэн, дахин ашиглах боломж бүхий цэвэрлэх байгууламжтайгаас гадна нарны илчийг өөртөө шингээн халаах технологитой учраас эрчим хүч хэмнэх давуу талтай. Мөн агаар болон хөрсний бохирдлыг бууруулах, гэр хорооллын өнгө үзэмжийг сайжруулахад эерэгээр нөлөөлж, өрх бүр эрүүл, тохилог орчинд амьдрах боломжийг бүрдүүлж байгаа юм. Иргэдийн хувьд тус ногоон орон сууцны байгаль орчин, эдийн засагт ээлтэй чанарт сэтгэл хангалуун байгаагаа илэрхийлж байлаа.

Нийслэлийн Засаг даргын Барилга, орон сууц, үйлдвэр, технологийн паркийн асуудал хариуцсан орлогч Б.Сүхбаатар “Баянзүрх болон Сонгинохайрхан дүүргийн төвийн инженерийн шугам сүлжээ хүрэхгүй хэсгүүдэд ногоон орон сууц барихтай холбоотойгоор иргэдэд зориулсан зээл гаргах, Ногоон орон сууцны санг байгуулах гэх мэтээр санхүүжилтийн үйл явцыг бэлдсээр байгаа. Бид стандартын дагуу ногоон орон сууцыг нутагшуулан, олон улсын сертификат авахаар ажиллаж байна. Ингэснээр олон улсын банк, санхүүгийн байгууллагаас бага хүүтэй зээл авах боломж бүрдэж, иргэд ч мөн хүү багатай ипотекийн зээлд хамрагдан, орон сууцаа авах боломжтой болно” гэсэн юм.

Энэ жилийн хувьд 10 мянган айлын ногоон орон сууц барих төсөл хэрэгжиж, Баянзүрх болон Сонгинохайрхан дүүргийн алслагдсан хэсгүүдэд ногоон орон сууцууд барих юм. Төслийн хүрээнд иргэд жилийн зургаан хувийн хүүтэй, 170 сая төгрөг хүртэлх Ногоон орон сууцны зээлд хамрагдах боломжтой.

Төслийн гүйцэтгэгч “Хабрид хауз” компанийн захирал Ц.Бат-Эрдэнэ “Нэг айлын байр ойролцоогоор 78 сая төгрөгийн үнэтэй болсон. Иргэд урьдчилгаа 10 хувийг төлөөд, Германы хамтын нийгэмлэгийн төсөлд хамрагдан 18 сая төгрөгийг суутгуулна. Ингэснээр үлдэгдэл 52 сая төгрөгийг ногоон зээлд хамрагдан сард дунджаар 490-630 мянган төгрөг төлж, таун хаустай болох боломжийг бүрдүүлсэн. Энгийнээр тайлбарлавал, та жилд төлдөг халаалт, түлшний зардалтай дүйцэхүйц төсвөөр байраа өмчлөх боломжтой гэсэн үг” гэв.

Төсөлд хамрагдсан иргэн П.Мандахбаяр “Хүү маань тус компанийн амины сууцын анхны захиалагч. Хүүгийн маань байшин надад их таалагдсан. Гэр хороололд эрчим хүчний өндөр хэмнэлттэй, ийм сууцанд амьдарч болох юм байна гэж бодоод энэ удаагийн төслийг дэмжин, захиалга өгсөн. Эхлээд ямар ч халаалтгүйгээр дулаахан байна гэдэгт итгээгүй ч хүүгийнхээ байшинг хараад итгэл төрсөн. Энэхүү төслийн хүрээнд ийм сайхан орон гэртэй болж буйдаа баяртай байна” хэмээн ярилаа.

Тус жишиг хаус нь -40 хэм хүртэлх хүйтэнд халаагуур ашиглахгүй, гал түлэх шаардлагагүйгээр дулаан өвөлжих технологийн шийдлийг ашигласнаараа онцлог юм.

НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Цахим орчинд нийтлэгдсэн постыг шалгаж хариуцлага тооцжээ 6 цагийн өмнө
Хавдрын чиглэлээр анхан шатны эрүүл мэндийн байгууллагаас лавлагаа эмнэлэг шатлалын эмнэлэг хүртлэх бүх үе шатыг хянах, хөгжүүлэх тогтолцоог хийж байна 6 цагийн өмнө
Нөөцийн махны өргөтгөсөн худалдаа эхэллээ 7 цагийн өмнө
​“Талын салхи” фестивальд 2000 гаруй мотоцикл сонирхогч оролцож байна 7 цагийн өмнө
Э.Мөнхбаатар бадрангуй чимэг нэмлээ 11 цагийн өмнө
Нийслэлд +26 градус дулаан байна 11 цагийн өмнө
Ерөнхийлөгч У.Хүрэлсүх НҮБ-ын 8 дахь Ерөнхий нарийн бичгийн дарга Бан Ги Мүн-ийг хүлээн авч уулзлаа Өчигдөр
Ирэх лхагва гарагт бурхан багшийн их дүйчин өдөр тохионо Өчигдөр
Ерөнхийлөгч У.Хүрэлсүх, НҮБ-ын найм дахь Ерөнхий нарийн бичгийн дарга Бан Ги Мүн нар дурсгалын мод тарилаа Өчигдөр
​ Д.Амарбаясгалан: Цахим гэмт хэрэгтэй тэмцэх хууль тогтоомжийг боловсронгуй болгоход парламент анхааран ажиллана Өчигдөр
“Empathy education” хөтөбөрт 3000 сурагч хамрагдаад байна Өчигдөр
МАН-ын УЗ кандидат ярихгүй, Бага хурлын товыг тогтооно Өчигдөр
Д.Тогтохсүрэн: Дангаараа явах болсон тул ЗГ-ын бүтцийг эрс багасгах ёстой Өчигдөр
Ч.Хүрэлбаатар: Би шинээр байгуулагдах засгийн газарт ажиллахгүй Өчигдөр
Ж.Энхжаргаланг шүүгчийн захирамжийн дагуу өчигдөр 19.00 цагийн үед суллажээ  Өчигдөр
Х.Нямбаатар:ДЦС-3 -ын ослын улмаас зарим байршилд дулааны ачаалал 15 хувь буурах эрсдэл үүслээ Өчигдөр
Нарны гүүрний баруун талын туслах авто замаас Вокзалын автобусны буудал хүртэлх замыг нээлээ Өчигдөр
УБЦТС: Өнөөдөр хийгдэх засварын хуваарь Өчигдөр
Улаанбаатарт 21 градус дулаан байна Өчигдөр
Улсын Гуравдугаар төв эмнэлэгт тархины гүний байрлалтай хавдруудын мэс засал эмчилгээний технологи нутагшиж байна 2025/06/05