Орон нутагт анх удаа орон сууц худалдаж авах иргэдийг төрөөс ИНГЭЖ дэмжинэ

Засгийн газраас нийслэл Улаанбаатар хотын тевлөрлийг сааруулах, бүс нутгийн хөгжлийг дэмжих зорилтын хүрээнд дараах бодлогын арга хэмжээг авч хэрэгжүүлэхээр тусгажээ. Үүнд:

НЭГ:  “Эрүүл мэндээ хамгаалах, эдийн засгаа сэргээх арван их наяд төгрөгийн цогц төлөвлөгөө”-ний хүрээнд орон нутагт бизнес эрхлэх, ажлын байрыг нэмэгдүүлэх иргэн, аж ахуйн нэгжүүдэд 1 хувийн хөнгөлөлттэй зээл олгох бөгөөд зээлийн хүүгийн зөрүүг татаас хэлбэрээр төсвөөс санхүүжүүлнэ. Ингэснээр, 20 орчим мянган ажлын байр орон нутагт шилжин, шинээр бий болох боломжтой гэж үзэж буй.

ХОЁР: Төвлөрлийг сааруулах

Дээрх бодлогын арга хэмжээг  цогцоор шийдвэрлэх, хөдөө, орон нутагт шилжин суурьших иргэдийг орон сууцны бодлогоор дэмжих зорилтын хүрээнд орон нутагт, анх удаа орон сууц худалдаж авсан иргэдийн ипотекийн хүүгийн 50 хувийг төсвөөс санхүүжүүлэх бөгөөд орон сууцны урьдчилгаа төлбөрийн 60 хувьд Зээлийн батлан даалтын сангаас баталгаа гаргана. Ингэснээр, орон нутагт орон сууц худалдан авч байгаа иргэд 3 хувийн хүүтэй ипотекийн зээлд хамрагдах боломжтой бөгөөд урьдчилгаа төлбөрийн дарамт 60 хувиар буурна. Эрүүл мэндээ хамгаалах, эдийн засгаа сэргээх арван их наяд
төгрөгийн цогц төлөвлөгөөний хүрээнд 2021 онд олгосон ипотекийн зээлийн гүйцэтгэл, орон нутагт байгаа орон сууцны дундаж үнэ зэргийг харгалзан 5600 орчим өрх дээрх хөнгөлөлтөд хамрагдах
урьдчилсан тооцоо гарсан болно.