Электрон тамхийг хорт хавдар үүсгэдэг тухай захирамж гарган, хэрэглээг хязгаарлахыг уриалжээ

Хан-Уул дүүргийн Засаг дарга Алдаржавхлан электрон тамхины хэрэглээг бууруулах зорилгоор гуравдугаар сарын 30-ны өдөр А 176 тоот захирамжийг гаргажээ. Уг захирамжийн хүрээнд төр, хувийн хэвшлийн байгууллага, сургуулиудад захирамжийг хүргүүлсэн байна.

Тамхийг ширхэглэн борлуулахгүй хуулийн заалттай ч өнөөдөр энэ нь нэгэнт биелэлээ олохгүй байна. Учир нь ТҮЦ-ээс эхлээд сургуулиас 500 метрийн дотор тамхи худалдаалж буй дэлгүүрүүд олон байна.

Хан-Уул дүүргийн хувьд эко дүүрэн гэдэг утгаар электрон тамхийг 21 нас хүрээгүй хүнд худалдаалахгүй байхыг уриалсан захирамжийг гаргасан. Гэтэл тус дүүргийн 8 р хорооны засаг дарга алимаа электрон тамхины хэрэглээнээс үүдэн уушигны шинэ төрлийн гэмтэл нэмэгдэж байна, донтуулах никитон, хавдар үүсгэгч никель, хар тугалаг гэх мэт хорт бодисууд орсон гэдгийг захирамж, уриалгыг хүргүүлэхдээ дурдсан байна. Түүнчлэн өнөөдрийн байдлаар монгол улсад электрон тамхийг хортой, хоргүй гэдгийг батлах лабораторын шинжилгээ хийх эрхтэй газар байдаггүй байна. Гэтэл уг захирамжийг хүргүүлэхдээ "Интернэтээс дээрх хоёр мөр өгүүлбэрийг оруулж өөрийн захирамждаа нэмсэн нь буруутлаа" гэж Хан-Уул дүүргийн 8 дугаар хорооны засаг дарга хэлж байна.

Түүнчлэн захирамжаа хүргүүлэхдээ “Health Solution laboratory”-ийн шинжилгээний бичгийг хавсаргажээ.  Гэтэл уг шинжилгээний бичгийг гаргасан лаборатори нь хувийнх бөгөөд энэ төрлийн дүгнэлт гаргах итгэмжлэгдсэн сертификат болон зөвшөөрлүүд нь байхгүй гэдгийг МХЕГ мэдэгдсэн аж.