Зөвшөөрөлгүйгээр төлбөртэй зогсоол ажиллуулж байсныг аудитын байгууллагаас тогтоожээ

Иргэд хууль ёсны дагуу төлбөр авдаг гэж боддог хэд хэдэн  зогсоол Нийслэлийн авто замын хөгжлийн газраас зөвшөөрөл авалгүйгээр үйл ажиллагаа явуулж байгааг Үндэсний  аудитын газраас шалгаж тогтоожээ. Тодруулбал  Чингэлтэй дүүрэг, Хангарьд ордны баруун тал, Сүхбаатар дүүрэг, Спортын төв ордны баруун талын зогсоол, Чингэлтэй дүүрэг, Драмын театрын хойд талын зогсоолууд эрх бүхий байгууллагуудын зөвшөөрөлгүйгээр иргэдээс төлбөр авч байна. 

Улаанбаатарт 2020 оны эцсийн байдлаар төлбөртэй зогсоолын үйлчилгээ эрхлэхээр төвийн 6 дүүргийн 73 байршилд 13 иргэн, 57 аж ахуйн нэгж, байгууллага Нийслэлийн Авто замын хөгжлийн газартай гэрээ байгуулжээ.

Харин эзэмшлийн газраа зориулалт бусаар ашиглаж, зохих зөвшөөрөлгүйгээр төлбөртэй зогсоолын үйлчилгээ эрхэлж буй 131 иргэн, аж ахуйн нэгж байгааг Үндэсний Аудитын газар мэдээлсэн байна.

Тайланг бүрэн эхээр нь ЭНД дарж үзнэ үү.