АТГ-аас Ц.Ууганбаярын мэдүүлгээр Ерөнхийлөгч асан Х.Баттулгыг саатуулан шалгана

Эрх мэдэл албан тушаалаа ашиглан Хөгжлийн банкнаас их хэмжээний зээл авсан нэр бүхий хүмүүсийг АТГ-аас шалгаж, заримыг нь саатуулж байгаа. Хамгийн сүүлд буюу өнөөдөр /2022.04.21/ Худалдаа хөгжлийн банкны ТУЗ-ийн дарга "сахал" Д.Эрдэнэбилэг, "Монгол зэс" корпорацийн М.Мөнхбаатар нарыг саатуулаад байна. 

Тэгвэл баттай эх сурвалжаас авсан мэдээллээр Ерөнхийлөгч асан Х.Баттулгыг саатуулан шалгахаар болжээ. Тодруулбал, түүний зөвлөхөөр ажиллаж байсан Ц.Ууганбаяр Шинэ яармаг төслийн хүрээнд ХБ-аас 117 тэрбум төгрөгийн зээл авсан ч эргэн төлөлт хийгээгүй тул түүнийг АТГ-аас саатуулсан. Улмаар түүнээс мэдүүлэг авах явцад тэрбээр Х.Баттулгын эсрэг мэдүүлэг өгчээ. Тиймээс Ерөнхийлөгч асан Х.Баттулгыг Хөгжлийн банкны хэрэгт холбогдуулан шалгах бололтой.