ТӨСВИЙН ТОДОТГОЛ: Төрийн үйлчилгээний ажилчдын цалин ИНГЭЖ НЭМЭГДЭНЭ

Л.Бямбажав

2022/04/22

2022 оны төсвийн тодотголд Төрийн үйлчилгээний ажилчдын цалинг нэмэгдүүлэхэд 30.1 тэрбум төгрөг төсөвлөжээ.

Энэ оны нэгдүгээр сарын 1-нээс эхлэн Төрийн үйлчилгээний бага албан тушаалын ажиллагсад буюу ТҮ1-ТҮЗ дахь шатлалаар цалинждаг цэцэрлэгийн үйлчлэгч, манаач, тогоочийг гэрээт ажилтан болгосон нь нийгэмд шүүмжлэл дагуулж байсан юм. Тэгвэл төсвийн тодотголоор ТҮ 1-3-ынхныг хувийн хэвшилд шилжүүлэхээ больж, цалинг нь шат дараатай нэмэхээр боллоо.

Тодруулбал, 2022 оны нэгдүгээр сарын 1-нээс хэрэгжиж эхэлсэн Засаг захиргаа, нутаг дэвсгэрийн нэгж, түүний удирдлагын тухай хуулиар орон нутгийн төсвийн байгууллагуудын хувьсах зардлыг аймаг, нийслэлийн төсөвт суулгасныг буцааж улсын төсвөөс олгодог байх шийдвэрийг Засгийн газар гаргасан байна.

Төрийн үйлчилгээний 44 мянга орчим ажилчин бий. Тэдний цалин дараах байдлаар нэмэгдэнэ.

ТҮ1-р шатлалын 13 мянган ажилчны цалин 11 хувиар цалин нь нэмэгдэнэ
ТҮ2-р шатлалын 8200 ажилчны цалин 10 орчим хувиар
ТҮ3-р шатлалын 6000 ажилчны цалин 10 хувиар
ТҮ4-р шатлалын 5000 ажилчны цалин 5 хувиар

Харин ТҮ5-р шатлалын 11 мянган ажилчны цалинд өөрчлөлт орохгүй юм байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ