​ Улс хоорондын шуудан илгээмжээр их хэмжээний мансууруулах бодис нэвтрүүлэхийг завджээ

МУ-ын нэр бүхий иргэд 2022.04.21-ний өдөр улс хоорондын шуудан илгээмжээр шингэн каннабис, экстази, ЛСД зэрэг маш хүчтэй үйлчилгээтэй мансууруулах бодисуудыг АНУ-аас их хэмжээгээр нууцаар нэвтрүүлэхийг завдсан үйлдлийг гаалийн байгууллага илрүүлэн таслан зогсоож, хойшлуулшгүй ажиллагаа явуулан холбогдогч этгээдүүдийг саатуулсан бодисын хамт хуулийн дагуу тагнуулын байгууллагад шилжүүлсэн байна.  Энэ үйлдэлд урлаг соёлын үйл ажиллагаа эрхэлдэг МУ-ын иргэн, 25-30 насны нэр бүхий залуус холбогдсон байж болзошгүй талаар эх сурвалжаас мэдээллээ. Гаалийн байгууллага он гарсаар энэ төрлийн бодисыг улсын хилээр хууль бусаар нэвтрүүлэхийг завдсан 6 удаагийн тохиолдлыг илрүүлж, сэжиг бүхий 1.6 литр бодисыг хурааж, тагнуулын байгууллагатай хамтарсан арга хэмжээг хэрэгжүүлж байгаа юм байна.