ТАНИЛЦ: Олон нийтэд НЭЭЛТТЭЙ худалдах 36 ТӨХК

Төрийн өмчит хуулийн этгээдүүдийн бүтцийн өөрчлөлтийн шинэчлэлийн хүрээнд Төрийн өмчит хуулийн этгээдийн хувьцааг 2022-2023 онд биржээр олон нийтэд нээлттэй худалдах Үндсэн чиглэл батлах тухай УИХ-ын тогтоолын төсөл, Төрийн болон орон нутгийн өмчийн тухай хуульд нэмэлт, өөрчлөлт оруулах тухай хуулийн төслийг боловсруулжээ. 

 “Монголын хөрөнгийн бирж” ТӨХК, “Монголын цахилгаан холбоо” ХК, “Мэдээлэл холбооны сүлжээ” ХХК, "Мэдээлэл, технологийн үндэсний парк" ТӨҮГ, “Үндэсний давхар даатгал” ХК, АЗЗА компаниуд болон цахилгаан түгээх сүлжээ компаниуд зэрэг 36 төрийн өмчит хуулийн этгээдийг 34 хүртэл хувийн энгийн хувьцаа нэмж гарган хөрөнгийн биржээр олон нийтэд нээлттэй худалдан Нээлттэй хувьцаат компани болгохоор тусгажээ. 
Түүнчлэн “Төрийн өмчит банкны хувьцааг 2022-2023 онд биржээр слон нийтэд нээлттэй худалдах үндсэн чиглэл”-ийн төслөөр “Төрийн банк” ХХК-ний нийт хувьцааны төрийн эзэмшил 80 хувиас доошгүй байх бөгөөд нийт хувьцааны 20 хүртэлх хувийг үе шаттайгаар олон нийтэд нээлттэй арилжаалахаар тусгасан байна. 

Ийнхүү төрийн өмчит хуулийн этгээдүүдийг нээлттэй хувьцаат компани болгон хувьцааг олон нийтэд нээлттэй худалдсанаар эдгээр компаниудыг олон нийтийн хяналтад оруулах, санхүүгийн сахилга бат, засаглалыг сайжруулах, үйл ажиллагааны тогтвортой байдал, ил тод байдлыг хангах, зах зээл дэх төрийн оролцоог бууруулах ач холбогдолтой гэж үзэж буй. 

ЭНГИЙН ХУВЬЦАА НЭМЖ ГАРГАН БИРЖЭЭР ОЛОН НИЙТЭД нээлттэй ХУДАЛДАХ ТӨРИЙН ӨМЧИТ ХУУЛИЙН ЭТГЭЭД  

Доор дурдсан төрийн өмчит хуулийн этгээдийн 34 хүртэл хувийн энгийн хувьцаа нэмж гарган Монголын хөрөнгийн биржээр олон нийтэд нээлттэй худалдан нээлттэй хувьцаат компани болгоно.

1. “Монголын хөрөнгийн бирж” ТӨХК;
2. "Монголын цахилгаан холбоо” ХК;
3. “Мэдээлэл холбооны сүлжээ” ХХК;
4. "Мэдээлэл, технологийн үндэсний парк" ТӨҮГ;
5. “Үндэсний давхар даатгал” ХК;
6. "Алтай-Улиастайн эрчим хүчний систем" ТӨХК;
7. "Багануур зүүн өмнөд бүсийн цахилгаан түгээх сүлжээ” ТӨХК;
8. "Баруун бүсийн эрчим хүчний систем" ТӨХК;
9. "Дархан дулааны сүлжээ” ТӨХК;
10. "Диспетчерийн үндэсний төв“ ХХК;
11. "Дорнод бүсийн эрчим хүчний систем" ТӨХК;
12. "Өмнөд бүсийн цахилгаан түгээх сүлжээ” ТӨХК;
13. "Улаанбаатар Дулааны Сүлжээ” ТӨХК;
14. "Улаанбаатар цахилгаан түгээх сүлжээ” ТӨХК;
15. "Цахилгаан дамжуулах үндэсний сүлжээ" ТӨХК;
16. "Эрдэнэт булганы цахилгаан түгээх сүлжээ” ТӨХК;
17. "Баянчандмань АЗЗА" ТӨХК;
18. "Налайх АЗЗА" ТӨХК;
19. “Архангай-АЗЗА” ТӨХК;
20. "Багануур-АЗЗА” ТӨХК
21. “Булган-АЗЗА” ТӨХК;
22. "Говь-Алтай-АЗЗА” ТӨХК:
23. “Дархан-АЗЗА” ТӨХК;
24. “Дорноговь-АЗЗА” ТӨХК;
25. “Завхан-АЗЗА” ТӨХК;
26. “Орхон-АЗЗА” ТӨХК;
27. “Өвөрхангай-АЗЗА” ТӨХК;
28. “Сэлэнгэ-АЗЗА” ТӨХК;
29. "Талын зам” ТӨХК;
30. “Төв-АЗЗА” ТӨХК;
31. “Увс-АЗЗА” ТӨХК;
32. “Харгуй" ТӨХК;
33. “Хархорин-АЗЗА” ТӨХК;
34. "Ховд-АЗЗА” ТӨХК;
35. “Хөвсгөл-АЗЗА” ТӨХК;
36. “Эрдэнэсант-АЗЗА” ТӨХК.