Сахал Д.Эрдэнэбилэгийг АТГ-аас саатуулж, мэдүүлэг авч байна

Авлигатай тэмцэх газраас Худалдаа хөгжлийн банкны ТУЗ-ийн дарга Д.Эрдэнэбилэгийг дөнгөж сая саатуулж, мэдүүлэг авч байна. Түүнийг АТг-аас 48 цаг саатуулахаар болсон гэх мэдээлэл байгаа юм.

Тодруулбал, Д.Эрдэнэбилэгийг Хөгжлийн банкны хэрэгт холбогдуулан тайлбар авч байгаа юм байна. Мөн Худалдаа хөгжлийн банкны төв оффист нь АТГ-ын мөрдөгч нар нэгжлэг хийж, санхүүгийн баримтуудыг хураан авсан гэх мэдээлэл байгаа юм. 

Эргэн сануулахад, Д.Эрдэнэбилэг тэргүүтэй хүмүүс 2010-2012 онд С.Батболдын Засгийн газрын үед төрийн өмчийг хувьчлахгүйгээр өөрчлөн байгуулах ЗГ-ын тогтоол гарахад нөлөөлж, Хөтөлийн цемент шохой компанийн үйл ажиллагааг өргөтгөх менежментийн хувьчлал нэрээр Хөгжлийн банкнаас 61 265 000 ам долларын зээл авч байсан. Хөтөлийн цементийн үйлдвэр Хөгжлийн банкинд 294 тэрбум төгрөгийн өртэй 10 жил луу унжиж өнөөдрийг хүрсэн гэх мэдээлэл бий. Түүний ард нь байдаг гэх  “Кью Эс Си” ХХК болон саяхан төр өөртөө авсан Хөтөлийн цементийн үйлдвэр Хөгжлийн банкнаас нийтдээ  506 тэрбум төгрөгийн зээлтэй.