ГХ-ны сайд Б.Батцэцэг Засгийн газарт нууц асуудал танилцуулна

Засгийн газрын ээлжит хуралдааны үеэр ГХ-ны сайд Б.Батцэцэг нууц асуудал асуудал танилцуулах юм байна. 

Сүүлийн үед Оросын зарим хэвлэл мэдээллийн хэрэгслээр АНУ Монголд биологийн лаборатори байгуулна гэх мэдээлэл цацагдсан юм. Уг мэдээлэл нь ташаа болохыг ГХ-ны сайд мэдээлсэн бөгөөд энэ талаар Даваа гаригт УИХ дахь МАН-ын бүлгийн хуралдаанаар ч мөн танилцуулсан. 

Тэгвэл Засгийн газрын өнөөдрийн хуралдаанаар ГХ-ны сайдын танилцуулах нууц асуудал гэдэгт АНУ-ын био лабораторитой холбоотой асуудлыг хэлэлцэж магадгүй юм. 

ГХ-ны сайд Б.Батцэцэг дээрх асуудлаар хэвлэлийнхэнд өгсөн яриандаа тэрбээр "ОХУ-ын хэвлэл мэдээллийн "Извести" сонинд дөрвөн удаа нийтлэл гарсан. Анхны эх сурвалж нь судлаач эрдэмтэн хүн байсан. Олон улсын дүгнэлт хийдэг байгууллага, хүмүүст Монгол Улсад энэ хардаж буй лаборатори байхгүй гэдгийг батлахад бэлэн. Монгол Улсад биологийн зэвсгийн зориулалттай лаборатори байхгүй" гэдгийг тодотгосон билээ.