ОБЕГ-ын аврах бригад 11-хэн автомашинтай байхад ЗГ-ын авто бааз 146 автомашинтай жилийн зардал нь 1.3 тэрбум төгрөг

Төсвийн хэмнэлтийн хүрээнд  хот суурин газарт зөвхөн сайд, аймаг, нийслэлийн Засаг дарга нар суудлын жижиг оврын автомашин хэрэглэнэ. Мөн төрийн өмчид байгаа автомашинуудыг бусад тээврийн хэрэгслээс ялгах улсын дугаарын өнгөтэй болгохоор болсон. 

 Төрийн байгууллагын нийт 983 тээврийн хэрэгслийн зардалд өнгөрсөн  жил  11 орчим тэрбум төгрөг зарцуулжээ. Тэгвэл үүний тал хувийг нь зөвхөн агентлагийн тээврийн хэрэгслийн зардал эзэлж байгаа юм. Тодруулбал, 

• Төрийн яам, агентлаг болон автомашин төвлөрүүлэн ашигладаг төрийн байгууллагууд нийтдээ 983 автомашинтай, үүний  222 жип машин.
• Жилдээ гаражийн төлбөрт -326 сая төгрөг,
• шатахууны төлбөрт -2,4 тэрбум төгрөг,
• сэлбэг засварт 1,2 тэрбум,
• жолоочийн цалинд 7,3 тэрбум төгрөг, татварт
• татвар, даатгалд 519 сая төгрөг буюу нийтдээ төрийн байгууллагын автомашины зардалд жилдээ 11 тэрбум төгрөг.

Бид яам, агентлаг болон автомашин төвлөрүүлэн ашигладаг байгууллагын автомашины тоог цувралаар хүргэж буй. Энэ удаад автомашин төвлөрүүлэн ашигладаг баазуудын мэдээллийг хүргэж байна. 

ЗАСГИЙН ГАЗРЫН АВТО БААЗ-146 автомашинтай үүний 43 нь жип автомашин 

-Зөвхөн автомашины жилийн зардал нь 1.3 тэрбум төгрөг. Тухайлбал, гаражийн төлбөрт 41 саяыг, шатахуунд 340 сая төгрөг, сэлбэг бусад зардалд 136 сая төгрөг, жолоочийн цалинд 843 сая төгрөг, татвар, даатгалд 33 сая гээд нийт зардал нь 1,394,461,393.02  төгрөг байна. 

ЦЕГ-ЫН АВТО БААЗ-272 автомашинтай үүний 23 нь жип автомашин.

-Тус баазийн автомашины жилийн зардал нь 2.3 тэрбум төгрөг. Тухайлбал,  шатахуунд 567 сая төгрөг, сэлбэг бусад зардалд 86 сая төгрөг, жолоочийн цалинд 1.6 тэрбум төгрөг, татвар, даатгалд 19 сая төгрөг  нийт зардал нь 2,327,093,352.10  төгрөг байна. 

ДИПЛОМАТ БАЙГУУЛЛАГЫН ҮЙЛЧИЛГЭЭ АЖ АХУЙГ ЭРХЛЭХ ГАЗАР УТУГ- 36 автомашинтай үүний 4 нь жип автомашин 

-Автомашины жилийн зардал нь 231 орчим сая төгрөг. Тухайлбал,  шатахуунд 30 сая төгрөг, сэлбэг бусад зардалд 25 сая төгрөг, жолоочийн цалинд 157 сая төгрөг, татвар, даатгалд 18 сая гээд нийт зардал нь 231,135,394.84 төгрөг байна. 

ОБЕГ-ЫН ҮНДЭСНИЙ АВРАХ БРИГАД-11 автомашинтай үүний 1 нь жип автомашин. 

-Автомашины жилийн зардал нь 40 орчим сая төгрөг. Тухайлбал,  шатахуунд 6 сая төгрөг, сэлбэг бусад зардалд 4 сая төгрөг, жолоочийн цалинд 30 сая төгрөг  нийт зардал нь 40,085,465.00 төгрөг байна. 

Үндсэндээ автомашин төвлөрүүлэн ашигладаг баазууд нийт 494 автомашинтайгаас 84 нь жип автомашин. 

• Жилдээ зөвхөн гаражийн төлбөрт-41 cая төгрөг,
• Шатахууны зардалд-937 сая төгрөг,
• Сэлбэг бусад- 262 сая төгрөг,
• Жолоочийн цалинд-2,7 тэрбум төгрөг,
• Татвар, даатгалд-110 сая төгрөг гээд жилийн зардал нь 4.1 тэрбум төгрөг байна.