ШӨХТГ-ын даргаар томилогдсон С.Мөнхчулуун ажлаа хүлээж авав

Засгийн газрын хуралдаанаар Шударга өрсөлдөөн, хэрэглэгчийн төлөө газрын даргаар С.Мөнхчулууныг томилсон билээ. Тэрбээр өчигдөр тамга, ажлаа хүлээн авчээ.

С.Мөнхчулуун гэж хэн бэ?

 С.Мөнхчулуун нь механик инженер мэргэжилтэй, төрийн удирдлагын магистр, доктрант. Нийслэлийн Өмчийн харилцааны газар мэргэжилтэн, Сонгинохайрхан дүүргийн Засаг даргын Тамгын газрын дарга, НИТХ-ын төлөөлөгч, НИТХ-ын Хууль зүй, төрийн байгуулалтын хорооны дарга, НИТХ дах МАН-ын бүлгийн даргаар ажиллаж байсан нэгэн.

Барааны үнийн хөөрөгдөлтэй энэ үед хэрэглэгчийн эрх ашиг хөндөгдсөн асуудлууд олон бий. Энэхүү асуудалд түүний удирдах ШӨХТГ-аас хэрхэн ажиллахыг харах үлдээд байна.