"Тонж Логистик" ХХК Москва хотод болж буй олон улсын үзэсгэлэнд эх орноо төлөөлөн оролцож байна

Цар тахал болон Орос, Украин улсын хоорондын зэвсэгт мөргөлдөөнөөс үүдэн дан ганц Монгол Улс гэлтгүй дэлхий дахинд улс хоорондын ачаа барааны тээвэрлэлт удааширсан, гацсан байдалтай үргэлжилсээр 2 дахь жилийн нүүр үзэж байна. Ялангуяа, ОХУ-ыг эсэргүүцсэн Европын холбооны улсын тавьсан хориг арга хэмжээнүүд нь Оросын бизнес эрхлэгчид болон иргэдэд ихээхэн хүндрэл учруулж буй.

Тэгвэл Тонж Логистик ХХК Монгол Улсаа төлөөлөн ОХУ-ын Москва хотод зохиогдож буй Trans russia 2022 үзэсгэлэн худалдаанд оролцож, өнөөгийн нөхцөл байдлыг Монгол Улсад ашигтайгаар буюу дан ганц Хятад, Оросыг холбох бус Европын холбоог Орос улстай холбох тээврийн гүүр болохоор зорьж байна. Ингэхдээ гаднын улсын валютын урсгалыг Монгол руу чиглүүлэхээр ажиллаж байна. Trans russia нь 26 дахь удаагаа зохион байгуулагдаж буй олон улсын үзэсгэлэн худалдаа юм.

"Тонж логистик" ХХК нь 2006 онд үүсгэн байгуулагдсан, олон улсын тээвэр зуучийн чиглэлээр үйл ажиллагаа эрхлэн явуулдаг компани юм. Олон улсын хэмжээнд тээврийн аль ч төрөлд түншлэлийн тааламжтай харилцаатай компани болон өргөжсөн ба зах зээлээ мэдэрсэн, хэрэглэгчдэдээ чиглэсэн уян хатан нөхцөлт үнэ бүхий үр дүнтэй тээвэрлэлтийг зохион байгуулдаг билээ.

Тонж логистик ХХК дэлхийн 90 гаруй оронд байрлах 400 гаруй найдвартай агент, түншүүдтэй хамтран ажилладаг бөгөөд экспорт, импортын чиглэлд харилцагчдынхаа хэрэгцээ шаардлага, сонирхол, тэдний ачааны онцлогт нийцүүлэн хамгийн оновчтой тээврийн шийдлийг санал болгодог. Мөн агаарын тээвэр, авто тээвэр, төмөр замын тээвэр, түүвэр цуглуулбар ачаа, төслийн болон тендерийн ачаа, мөн аюултай ачааг тээвэрлэхээс гадна гаалийн бүрдүүлэлтийн үйлчилгээг хийж өгч тээврийн талаарх бүх төрлийн зөвлөгөө өгөх туршлагатай, мэргэжлийн хамт олон ажилладаг билээ.