Нярайг гудамжид үлдээсэн Б, Д нарыг эцэг эх байх үүргээ биелүүлж байгаа эсэхэд шалгалт хийж байна

Налайх дүүрэгт дөрвөн сартай хүүхдийг гадаа гудамжинд тавьж, аав ээж нь хоорондоо хэрэлдээд 30 гаруй минут орхиж явлаа гэх бичлэг Өчигдөр /2022.04.13/ цахим сүлжээнд тавигдсан. 

Улмаар уг хэргийн мэдээллийг Гэр бүл, хүүхэд, залуучуудын хөгжлийн хэлтэст мэдэгдэж, 4 сартай Б.А-г дүүргийн Нэгдсэн эмнэлгийн Яаралтай тусламжийн тасгийн үзлэгт хамруулж, “Хүүхдийн тусламжийн утас 108” төвийн дэргэдэх хүүхдийн Түр хамгаалах байранд хүлээлгэн өгсөн байна. 

Нярайн эцэг Д.Б,  М.Д нарыг Эрүүлжүүлэх саатуулах байранд хүлээлгэн өгсөн байна. Харин нярайн эцэг эх мэдүүлэгтээ "Согтуу л байсан. Муудалцаад л" гэсэн тайлбарыг өгчээ.

Дүүргийн хүүхдийн эрхийн улсын байцаагчаас эцэг эх байх үүргээ биелүүлж байгаа эсэхэд шалгалтын ажиллагаа явуулж, Цагдаагийн хэлтсээс гэр бүлийн хүчирхийллийн талаарх гомдол мэдээлэлд оруулан холбогдох шалгалтын ажиллагааг явуулж байна. Мөн хорооны хамтарсан багт мэдэгдсэн байна.