Б.Бат-Эрдэнэ: УИХ-ын гишүүдийн утасны төлбөрт сард 100 гаруй мянган төгрөг төлдөг

УИХ-ын гишүүдийн зөвхөн  унааны шатахуунд УИХ-аас сар бүр 500 гаруй мянган төгрөг төлдөг. Утасны төлбөрөө гишүүд өөрсдөө төлдөг гэж  хэлж байсан юм. 

Тэгвэл энэ нь худал мэдээлэл болохыг УИХ-ын гишүүн Б.Бат-Эрдэнэ баталлаа. Тэрбээр энэ тухай хэлэхдээ "Татвар төлөгчдийн мөнгийг хэмнэх шаардлагатай гэдгийг би УИХ-ын гишүүн болсноосоо хойш ярьж ирсэн. Би нэг ч удаа өрөөндөө улсын төсвөөр засвар  хийж байгаагүй. Би албаны машиныг амин хувьдаа ашиглаагүй. Байнгын хорооны даргын хувьд Засгийн газрын баазаас машин унах эрхтэй ч би хувийнхаа машинаар байнгын хорооны ажлыг хоёр жил хийж байна. Сард шатахууны зардалд тодорхой хэмжээний мөнгө өгдөг.  Утасны төлбөрт 100 гаруй мянган төгрөг төлдөг байх. Картаар шилжүүлдэг болохоор тоог нь сайн мэдэхгүй байна. Ямартай ч УИХ-аас гишүүдэд шатахууны зардал, утасны төлбөрт мөнгө төлдөг" гэлээ.