Сайхан мэдээ: Иргэн Ж.Лхагвасүрэн эхнэртэйгээ хамт хүнсний чиглэлийн компанид ажилд орохоор болжээ

СХД-ийн 6-р хороо Ханын материалд амьдардаг иргэн Ж.Лхагвасүрэнгийнхээс бид өчигдөр /2022.04.12/нэгэн сурвалжилга бэлтгэн хүргэсэн билээ.

Тодруулбал, Ж.Лхагвасүрэн олон хагалгаанд орж, эхнэр нь харааны бэрхшээлтэй учраас группийн 288 мянган төгрөг, хүүхдийн мөнгөөрөө таван ам бүлтэй айл амьдардаг. Ж.Лхагвасүрэнгийн эхнэрийг Д.Зулгэрэл гэдэг. Тэд ажил хийх чин хүсэл эрмэлзэлтэй байгаа ч нөхрийг нь нуруу намхан, өөрийг нь харааны бэршээлтэй гэх шалтгаанаар ажилд авдаггүй. Арга ядахдаа нөхөр нь шил, лааз цуглуулж тушаагаад олсон мөнгөөрөө гэртээ хүнс авдаг талаар ярьж байсан билээ.

Тэгвэл манай сурвалжлах багийн Ж.Лхагвасүрэнгийн гэрээс бэлтгэсэн сурвалжилга олон сайхан сэтгэлтэй иргэдэд хүрч, Ж.Лхагвасүрэнгийн ар гэрийнхэнд туслахаа илэрхийлсээр байна. Ж.Лхагвасүрэн, Д.Зулгэрэл нар тэдэн рүү ажлын байр санал болгож хандсан байгуулагуудтай очиж уулзсан бөгөөд гэрээсээ хоёр буудлын зайд байрлах хүнсний чиглэлийн компанид маргаашаас эхлэн ажилд орохоор болжээ.