Дарханы төмөрлөгийн үйлдвэрийг Кью Эс Си компанид шилжүүлсэн концессын гэрээг хүчингүй болгов

Дарханы төмөрлөгийн үйлдвэрийг Кью Эс Си компанид шилжүүлсэн концессын гэрээг хүчингүй болгох шийдвэрийг ЗГ-аас дөнгөж сая гаргасан талаар Шадар сайд С.Амарсайхан мэдээллээ. 

Дархан-Уул аймагт 1994 онд ашиглалтад оруулсан Төмөрлөгийн үйлдвэрийн менежмэнтийг Н.Алтанхуягийн Засгийн газар 2014 онд Худалдаа хөгжлийн банкны хөрөнгө оруулалттай Кью Эс Си компанид концессын гэрээгээр шилжүүлсэн. Үйлдвэрийг хувьчлах асуудал үүнээс өмнө буюу 2010 оноос эхлэн яригдаж байсан юм. Улмаар ЗГ-ын хуралдаанаар концессын гэрээг хүчингүй болгосон байна. 

Кью Эс Си” компани нь “Уул уурхай, металлургийн цогцолбор байгуулах” төслийн хүрээнд Төмөртэйн ордоос Баянголын төмөр зам хүртэл 33.4 км төмөр зам барихаар анх зээл авсан бөгөөд төслийн хэрэгжилт 100 хувь, зээл төлөлт гацаад 8 жил бол байгаа юм. Хөгжлийн банкнаас зээлийг барьцаа хөрөнгөөр төлүүлэхээр тооцоолж үзэхэд бодит барьцаа хөрөнгө болох 12.7 тэрбум төгрөгийн үнэ бүхий машин механизмийн үнэ цэнэ буурсан гэж дүгнэжээ. Үлдсэн барьцаа хөрөнгө буюу 142 тэрбум нь ирээдүйд бий болох хөрөнгө байгаа юм.