Нутгийн зарим хэсгээр хур тунадас орно

2022 оны 04 дүгээр сарын 11-нээс 18-ныг хүртэлх 7 хоногийн цаг агаарын урьдчилсан төлөв:

/Ихэнх нутгаар сэрүүхэн байх төлөвтэй байна/

Хур тунадас: 11-нд төв болон зүүн аймгуудын нутгийн зүүн хэсгээр, 12-нд баруун, төв, говийн аймгуудын нутгийн зарим газраар, 13,14-нд нутгийн зарим газраар, 15-нд нутгийн баруун өмнөд хэсгээр, 16-нд нутгийн зүүн өмнөд хэсгээр, 17-нд зүүн аймгуудын нутгийн хойд хэсгээр хур тунадас орно.

Салхи: 11,12-нд Алтайн салбар уулсаар, бусад хугацаанд говь, тал, хээрийн нутгаар секундэд 12-14 метр хүрч ширүүснэ.

Агаарын температур: Монгол-Алтайн уулархаг нутаг, Хүрэнбэлчир орчмоор  Дархадын хотгор, Идэр, Тэс голын хөндийгөөр шөнөдөө 14-19 градус, өдөртөө 1-6 градус, Хангай, Хөвсгөл, Хэнтийн уулархаг нутаг, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 8-13 градус хүйтэн, өдөртөө 0-5 градус дулаан, говийн бүс нутгийн өмнөд хэсгээр шөнөдөө 4 градус хүйтнээс 1 градус дулаан, өдөртөө 8-13 градус дулаан, бусад нутгаар шөнөдөө 4-9 градус хүйтэн, өдөртөө 3-8 градус дулаан байна.