Л.Наранбаатарыг чагнагч эхнэр нь биш найз нь болж өөрчлөгдөв

Хөгжлийн банкинд 296 тэрбум төгрөгийн өртэй  "Хөтөлийн цемент шохойн үйлдвэр" ХК-ийн хувьчлалыг хүчингүй болгож, төрийн өмчид авах шийдвэрийг Засгийн газрын хуралдаанаар гаргаж улмаар төр буцаан авсан. Харин тус үйлдвэрийн гүйцэтгэх захиралаар Л.Наранбаатар томилогдоод 2 долоо хоногийн хугацаа өнгөрөөд байна.

Тэгвэл өнөөдөр өглөө 8 цагийн үед Л.Наранбаатар өөрийнх нь гадуур хүрэмнээс байршил илрүүлэгч илэрсэн тухай бичдэгийг олон нитийн сүлжээнд байршуулсан юм.

Харин хэдхэн цагийн дараа буюу бичлэг тавигдсанаас гурван цагийн дараа “Цүнх муур нохой түлхүүр хүүхэд зэргийг хайж олоход зориулагдсан эд бололтой. Болхи тагнуул гэдэг нь тодорхой боллоо. Хань минь хол газар надад санаа тавьж байгаа бололтой” гэж жиргэсэн юм. 

Харин энэ асуудлаар бид өөрөөс нь тодрууллаа. Тэрбээр "Миний эхнэр биш юм билээ. Тухайн үед эхнэртэйгээ холбогдож чадаагүй байсан юм. Асуусан биш гэж байна. Энд нэг их ач холбогдол өгөхгүй байна. Магадгүй найз маань ч тавьсан байхыг үгүйсгэхгүй. Би мэдэхгүй байна. Эхнэр бид хоёрын гэр бүлийн харилцаа хэвийн" гэсэн юм.