Д.Цогтбаатар: Төрийн өмчийн компаниудыг цөөлөөгүй цагт хэмнэлт гарахгүй, системээр нь өөрчлөх шаардлагатай

Төрийн өмчит компаниуд хэт данхагар бүтцээр ажиллаж, ихэнх нь үр ашиггүй ажиллаж ирснийг олон жил шүүмжилж ирсэн ч өнөөг хүртэл дорвитой арга хэмжээг аваагүй. Ялангуяа Хөгжлийн банкны чанаргүй зээлийн нийт гуравны нэгийг төрийн өмчит компанидын авсан зээл эзэлж байгаа нь анхаарал татаж байгаа юм. 

Тиймээс УИХ-ын гишүүн Д.Цогтбаатар бусад гишүүний хамтаар Төрийн өмчит аж ахуйн нэгжийг нэгээр ч нэмж байгуулахыг хориглох (моратори тавих) тухай УИХ-ын тогтоолын төслийг санаачилсан.  

Тодруулбал, төрийн өмчит компанийн үр ашгийг сайжруулахын тулд суурь бүтцээр нь авч үзэх шаардлагатай гэж тэрбээр үзэж байгаа юм. Тэрбээр энэ тухай хэлэхдээ  "Хөгжлийн банкинд өрнөөд буй асуудал л гэхэд төрийн өмчит аж ахуйн нэгжийн хариуцлага, чадавхи алсдаа ямар байдгийг харуулсан хамгийн тод жишээ. Хамгийн гол уршиг нь урт хугацаандаа хувийн санаачилгыг дарангуйлсан, эдийн засгийн эрх чөлөө хумигдсан нийгэмд ардчилал удаан тогтох магадлал бага" гэсэн юм. 

Энэ талаар УИХ-ын гишүүн, уг тогтоолын төслийг санаачлагч Д.Цогтбаатараас зарим зүйлийг тодрууллаа.