Л.ОЮУН-ЭРДЭНЭ: УУЧЛААРАЙ

Ерөнхий сайд Л.Оюун-Эрдэнэ "Төр засгийг ажлаа хийхийг шаардсан залуусын жагсаал хоёр дахь өдрөө үргэлжилж байна. Залуусын тавьж буй шаардлагад Ерөнхий сайд хариулт өгөхөөр гарч ирлээ.

Тэрээр, “Залуучууд аа, та бүхнээс чин сэтгэлээсээ уучлал гуйя. Засгийн газарт чадах чадахгүй зүйл байна. Вакциндаа хамрагдсан та бүхэнд баярлалаа. ОХУ, Украинд хямрал гарч байна. Бензин шатахууны үнэд бид нөлөөлж чадахгүй байна. Ийм нөхцөл үүссэнд чин сэтгэлээсээ уучлалт хүсч байна. Уучлаарай та бүхэн. Залуучуудын зүгээс тавьж буй шаардлагыг бүгдийг хүлээн авсан. Хамгийн богино хугацаанд арга хэмжээ авна... Залуучууд аа, Монгол Улс төдийгүй дэлхий даяар үнэ өссөн байгаа нь үнэн. Засгийн газар үнэ барих хууль оруулж ирсэн. УИХ-ын гишүүд энэ хуулийг батална гэдэгт итгэлтэй байна. Энэ хууль батлагдсанаар шатахууны үнийг барих асуудлыг ярьж байна. Зах зээлийн үед шатахууны үнийг барина гэдэг амаргүй. Гэхдээ Засгийн газар мах, гурил, шатахууны үнийг буулгахын төлөө чадах бүх зүйлээ хийнэ гэж амлаж байна, гэхдээ Засгийн газар ид шидтэн биш гэдгийг ойлгох хэрэгтэй.