ЖАГСААЛААС ХӨӨГДЛӨӨ: О.Баасанхүү залуусын жагсаалаас хөөгдлөө

Төр засгийг ажлаа хийхийг шаардсан залуусын жагсаал хоёр дахь өдрөө үргэлжилж байна. Өчигдрийн/2022.04.07/ жагсаалд олонд танигдсан хүмүүс болон улс төрийнхөн огт оролцоогүй ч өнөөдөр үргэлжилж буй жагсаалд зарим нэгэн улс төрийн ашиг сонирхол хайгчид ирсэн харагдана. Харин тэднийг жагсаалд оролцохгүй байхыг залуус шаардаж, жагсаалаас хөөж байна. Нийгмийн бодит байдлыг гаргаж, шударгаар жагсаж буй залуусаар далимдуулан ашиг хонжоо хайгчдыг шинэ үеийн залуус эсэргүүцэж байгаа нь энэ юм.
АН-ын нарийн бичгийн дарга О.Баасанхүү төв талбайд ирэхэд нь залуус ийнхүү хөөлөө. Тэрээр жагсаалд оролцох гэж биш, нөхцөл байдлыг ажиглах зорилгоор ирсэн тухайгаа хэвлэлд ярьсан байсан юм.