Жагсагчдаас 67 хүнийг саатуулжээ

"Монголдоо сайхан амьдаръя"  уриатай залуучуудын жагсаалыг өнгөрөгч шөнө 04 цагийн орчимд хүч хэрэглэн тараасан. Улмаар цагдаагийн алба хаагчдыг гэмтээсэн шаардлага биелүүлээгүй Төрийн тусгай обьектруу дайрсан гэх үндэслэлээр  жагсагчдыг буруутгаж,  67 хүнийг саатуулсан гэсэн мэдээлэл байна.

Жагсаалтай холбоотой асуудлаар 9:30 цагаас Эрүүгийн цагдаагийн албанаас хэвлэлийнхэнд мэдээлэл хийхээр болжээ.

Жагсаал хийсэн залуучуудын хувьд үнийн өсөлттэй холбоотойгоор Засгийн газарт долоон шаардлагыг  тавьсан. Ерөнхий сайдын зүгээс Ажлын хэсэг гаргаж, иргэдийн тавьсан асуудал тус бүрээр холбогдох сайд нарыг ажлын хэсэгт оруул гэсэн үүрэг, чиглэл өгчээ. Үүний дагуу холбогдох сайдууд өнөөдөр залуусын тавьсан шаардлага бүрд хариулт өгөхөөр бэлдэн ажиллаж аж.