Жагсаал, цуглааны үеэр бусдын өдөөн хатгалтад автахгүй байхыг ТЕГ-аас сэрэмжлүүллээ

ТЕГ-аас цаг үеийн асуудлаар өнөөдөр /2022.04.06/ мэдээлэл өгөх үеэрээ сэрэмжлүүлэг өглөө.

Тодруулбал, иргэдийн үзэл бодлоо илэрхийлэхээр зохион байгуулж буй аливаа тайван жагсаал, цуглааны үеэр зэвсгийн чанартай эд зүйлс, дэсэрч дэлбэрэх хэрэгсэл ашиглан нийтийг хамарсан эмх замбараагүй байдал үүсгэх, гэмт хэрэг үйлдэх санаа  зорилго бүхий бүлэг этгээд байхыг үгүйсгэхгүй. Тиймээс иргэд та бүхэн анхаарал болгоомжтой, сонор сэрэмжтэй бусдын өдөөн хатгалтад автахгүй байхыг ТЕГ-аас сэрэмжлүүллээ. 

Тагнуулын байгууллага Эрүүгийн хуулийн тусгай ангийн 16.8 дугаар зүйлд заасан экстримист үйл ажиллагаа явуулах гэмт хэрэг үйлдэхээр бэлтгэж байсан Монгол Улсын  нэр бүхий таван иргэнийг саатуулсан бөгөөд мөрдөн шалгах ажиллагаа үргэлжилж байгаа талаар мэдээлсэн.