Ерөнхий сайдын Сахал Д.Эрдэнэбилэгтэй зүйрлэсэн Эль Чапо гэж хэн бэ?

МУ-ын Ерөнхий сайд Л.Оюун-Эрдэнэ Сахал хочит Д.Эрдэнэбилэгийг Монголын Эль Чапо юм хэмээн ярьсан. Тэгвэл түүний зүйрлэсэн Эль Чапо гэж хэн бэ?

“Эль Чапо” гэдэг нь испаниар “атигар” гэсэн үг бөгөөд Мексикийн “Синалола” хар тамхины мафийн толгойлогч. Жинхэнэ нэр нь Хоаки́н Арчива́льдо Гусма́н Лоэ́ра.

Эль Чапо нь “Forbes” сэтгүүлээс жил бүр тодруулдаг хамгийн их нөлөө бүхий хүмүүсийн жагсаалтад 2009-2011 онуудад 41, 55 ба 60 дугаар байрт тус бүр орж байсан гэмт хэрэгтэн. Осама Бен Ладены устгагдсан дараа 2011 oнд дэлхийн номер нэг эрэн сурвалжлагдаж байгаа гэмт хэрэгтэн болж байсан. АНУ-ын Засгийн газар түүнийг баривчлахад бодит мэдээллээр тусалсан хүнд 5 сая долларын шагнал амлаж байв. Мөн тэр жилдээ “Forbes” сэтгүүлээс Эль Чапогийн хувийн хөрөнгийн хэмжээг ойролцоогоор 1 тэрбум доллароор үнэлж байв. “US Drug Enforcement Administration”-ын мэдээгээр Эль Чапо нь гэмт хэргийн ертөнц дэх нэр нөлөө, хөрөнгийн хэмжээгээр Колумбын мафийн домогт толгойлогч ПаблоЭскобараас давж гарсан гэж мэдэгдэж байв.