БОАЖЯ авлигаас ангид байхаа зарлалаа

Авлигатай тэмцэх газраас жил бүр судлан гаргадаг төрийн байгууллагын шударга байдлын үнэлгээний  дүнг зарладаг. 

Уг судалгаанд яамд,  агентлагууд, 21 аймаг болон нийслэлийн ЗДТГ хамрагддаг. Өнгөрсөн жил АТГ-аас гаргасан яамды шударга байдлын үнэлгээгээр долоон яам нь улсын дунджаас дээгүүр, үлдсэн долоо нь улсын дунджаас доогуур үнэлгээтэй байсан. Хамгийн өндөр үнэлгээ авсан нь “Эрчим хүчний яам” байсан бол  Байгаль орчин, аялал жуулчлалын яам нь  хамгийн сүүлд эрэмблэгдэж байсан билээ. 

Тэгвэл уг үнэлгээг дээшлүүлэхийн тулд БОАЖ-ын сайд Б.Бат-Эрдэнэ АТГ-т хүсэлт тавьсны дагуу  "Хяналт шалгалт, дүн шинжилгээний хэлтсийн комиссар"-ыг Төрийн албаны тухай хуулиар "Хяналт шинжилгээ дотоод аудитын газрын дарга"-аар сэлгэн ажиллуулж эхэлжээ. 

Ингэснээр БОАЖЯ авлигаас ангид ажиллаж,  шударга байдлын үнэлгээгээ дээшлүүлэхээ зарлалаа.