Л.Оюун-Эрдэнэ: Зохицуулалт хийхгүй бол шатахуун литр тутамдаа 1000 төгрөгөөр нэмэгдэх нөхцөл үүссэн

Ерөнхий сайд Л.Оюун-Эрдэнэ: Монгол Улс аль болох асуудлыг эвээр шийдвэрлэх ёстой гэсэн байр суурины үүднээс олон улсын хамтын ажиллагааны байгууллагуудтай Гадаад харилцааны яам нэг цонхоор ажиллаж ирсэн.Олон улсын түвшинд шатахууны үнэ дунджаар 64-74 хувиар өсөх прогноз гарч байна. Энэ нөхцөл байдалд бүх улс цаашлаад Монгол Улс ч багтах төлөв байдал анзаарагдаж байгаа.Дэлхийн хүн амын 41-50 хувийг эзэлдэг улаанбуудайн үнэ 45-50 хувь өссөн. Дэлхийд хүнсний хомсдол үүсч болзошгүй байна. Засгийн газраас энэ бүхийг дүгнэж үзээд цаг алдалгүй арга хэмжээ авахаар шийдлээ. Тиймээс Олон улсын хямралт нөхцөл байдлаас үүсэлтэй гол нэр төрлийн бараа, бүтээгдэхүүний хангамж нийлүүлэлтийн хомсдол, сөрөг нөлөөллийг бууруулах тухай хуулийн төслийг УИХ-д өргөн барилаа.Энэ хууль батлагдсанаар мах, гурил, газрын тос зэрэг бүтээгдэхүүний үнэнд Засгийн газар оролцох, зохицуулалт хийх эрх зүйн орчныг бүрдүүлнэ. Дэлхийн зах зээл дээр газрын тосны үнэ нэмэгдснээс шалтгаалж шатахууны үнэ 1000 төгрөгөөр нэмэгдэх хандлагатай байна. Тйимээс цаашид энэ асуудалд зохицуулалт хийх шаардлага үүсээд байна.