Ажлын цагаар согтууруулах ундааны зүйл хэрэглэсэн албан хаагчийг чөлөөлжээ

 Гаалийн ерөнхий газрын гаалийн улсын байцаагч ажлын цагаар, албан үүргээ гүйцэтгэж байхдаа согтууруулах ундааны зүйл хэрэглэснийг эрх бүхий байгууллагаас тогтоосны дагуу албан тушаалаас нь халсан шийдвэрийг иргэн Т.Х эс зөвшөөрч Төрийн албаны зөвлөлд гомдол гаргасныг Төрийн албаны зөвлөлийн 16 дугаар хуралдаанаар хэлэлцэж, дээрх үндэслэлээр ажлаас халсан нь хууль зөрчөөгүй болохыг тогтоож, иргэн Т.Х-ийн гомдлын шаардлагыг бүхэлд хангахгүй орхиж шийдвэрлэжээ.

  Мөн гэмт хэрэг үйлдсэн нь шүүхээр тогтоогдсон 150 иргэнийг төрийн албанаас чөлөөлүүлж, Төрийн албаны тухай хууль тогтоомж зөрчиж, албан тушаалын тусгай шаардлага хангаагүй, сонгон шалгаруулалтгүй томилогдсон 1112 төрийн албан хаагчийг чөлөөлөх шийдвэрийг Төрийн албаны зөвлөлөөс эрх бүхий байгууллага, албан тушаалтанд хүргүүлэн, хяналт тавьж ажиллаж байгаа аж.

 Түүнчлэн хууль зөрчсөн шийдвэрийн улмаас төрд учруулсан хохирлыг буруутай албан тушаалтнаар нөхөн төлүүлнэ.