Ч.Ундрам: Аав минь нойргүй хоносон байна лээ,охиноосоо уучлалт гуйгаад бүх зүйлээ шавхаад зээлээ төлсөн

МАН-ын Ерөнхий нарийн бичгийн дарга Д.Амарбаясгалан өчигдөр мэдэгдэл гаргаж, МАН-ын 9 гишүүнийг хуулийн байгууллагаар шалгуулахаар үүрэг өгсөн. Үүн дунд УИХ-ын гишүүн Ч.Ундрамын нэр орсон. Түүний аав Ч.Чинбатын хувьцаа эзэмшдэг "Вояжер минерал ресурсес" ХХК 10.6 тэрбум төгрөгтэй тэнцэх хэмжээний иений зээлийг авсан.

Хуулийн байгууллагаар шалгуулах эсэх талаар УИХ-ын гишүүн Ч.Ундрамаас тодруулахад, тэрбээр Миний аав олон жил бизнес хийж байгаа  баялаг бүтээгч. Дэлхийн аль ч санхүүгийн байгууллагаас шаардлагатай зээлээ аваад, үйл ажиллагаагаа үргэлжлүүлж ирсэн хүн. Би аавдаа хайртай. Аав минь намайг бизнесийн үйл ажиллагаандаа оролцуулдаггүй. Намайг мөнгөнөөс илүү номтой нөхөрлөх байдлаар хүмүүжүүлж ирсэн. Аав маань охиндоо санаа зовоод нойргүй хоносон байна лээ. Охиноосоо уучлалт гуйгаад бүх зүйлээ шавхаад зээлээ эргэн төлсөн" гэлээ.