УИХ-ын гишүүн Г.Амартүвшин АТГ болон НПГ-т шалгуулах хүсэлт гаргажээ

Хөгжлийн банкны зээлд нэр холбогдсон УИХ-ын гишүүдийг хуулийн байгууллагаар шалгуулахыг үүрэг болгосон талаар МАН-ын ерөнхий нарийн бичгийн Амарбаясгалан мэдэгдсэн. Улмаар тэднийг өөрийн санаачлагаар дөрөвдүгээр сарын 10-ны дотор хууль, хяналтын байгууллагад хүсэлтээ гарган гэм буруутай эсэхээ шалгуулахыг үүрэг болгосон билээ.

Нэр дурдагдсан есөэ гишүүнээс УИХ-ын гишүүн Ганибалын Амартүвшин нь 2022 оны гуравдугаар сарын 16-ны өдөр болон 2022 оны гуравдугаар сарын 28-ний өдөр тус тус Авилгалтай Тэмцэх Газар, Нийслэлийн Прокурорын Газарт шалгуулах хүсэлтээ удаа дараа гаргаад байсан аж. Тус хүсэлтэд Хөгжлийн банкны хяналт шалгалтад дэмжлэг үзүүлэн, хуулийн байгууллага дуудсан цагт бэлэн байж, мэдүүлэг тайлбар өгөхөө илэрхийлж, үнэн зөвийг тогтоож, яаралтай шалгаж өгөхийг хүсчээ.