Аудитын дүгнэлт: Хөгжлийн банк арвилан хэмнэлттэй зарчмыг хангаагүй, зар сурталчилгаанд 720 сая төгрөг зарцуулсан

Хөгжлийн банкны зээл олгох үйл ажиллагаа Монгол Улсын хөгжлийн бодлоготой уялдаагүй байсан

ҮАГ-ын Аудитын 3-р газрын захирал Д.Энхболд:

"Хөгжлийн банкны гүйцэтгэлийн аудитыг хийсэн. 2018 онд аудит хийх тогтоол гаргаад гүйцэтгэлийн аудит хийсэн. 2012-2017, 2018 оны зээлийн гүйцэтгэлд аудит хийсэн. Дараах зөрчил илэрсэн. Хөгжлийн банкинд Эрх зүйн зохицуулалт хангалтгүй, банкны захиргааны нэгжийн орон тоо уялдаагүй, арвилан хэмнэлттэй зарчмыг хангаагүй, үр ашиггүй зарцуулалт хийж иржээ. Худалдан авах ажиллагаанд мөрдөж буй журмын зохицуулалт хангалтгүй байгаа нь арвилан хэмнэлтгүй худалдан авал хийгдэх нөхцөлийг бүрдүүлж байна. Тус банк нь зөвхөн зар сурталчилгаанд 720 саяыг үрсэн. Мөн худалдан авах ажиллагаатай холбоотой зөрчил илэрсэн. ХБанкны байраа 20 гаруй тэрбумаар авсан. Гэтэл адилхан хотын А зэрэглэлд өөр барилгыг 14 тэрбумаар босгосон байгаа юм. Үүнд ашиг сонирхлын зөрчил илэрсэн байж болзошгүй гэж хууль хяналтын байгууллагад хандсан.  Худалдан авах ажиллагааны журам хангалтгүй учраас их хуралд тусгуулж байсан. Анх бэлтгэл ажлыг бүрэн хангаагүй бонд гаргасан. 2012-2015 онд мөнгөн хөрөнгийн бодлогыг зохистой тооцоолоогүй".