Т.Доржханд: Хамгийн их зээл авсан "Сахал" Д.Эрдэнэбилэг, Х.Баттулга, "Фортуна" Н.Батбаярыг дууд

Хөгжлийн банкны асуудлаар Төрийн ордонд нээлттэй сонсгол болж байна. 

Энэ үеэр УИХ гишүүн Т.Доржханд "Энэхүү сонсголоос үр дүн нэхэх ёстой. Тийм учраас холбогдох албан тушаалтнуудыг дууд. Үүнд эрх барьж байгаа намын дарга Л.Оюун-Эрдэнийг, намын ерөнхий нарийн бичгийн дарга Д.Амарбаясгаланг дууд, тэд иргэдийн өмнө амлалт өгсөн. АН удирдлага аль талдаа байна тэднийг дууд. Тухайн үед засаг барьж байсан Ерөнхий сайдуудыг, хуулийн байгууллагын удирдлагуудыг дууд. Өнөөдөр АТГ-ын дарга, ерөнхий прокурор хоёр энд байлцах ёстой. Бүтэн өдрийн хэлэлцүүлэг болно. Яаралтай дуудах хэрэгтэй. Хамгийн их зээл авсан "Сахал" Д.Эрдэнэбилэг, Х.Баттулга, "Фортуна" Н.Батбаярыг дууд. Тэгж байж эндээс үр дүнтэй гарах ёстой" гэв.