ҮХЦ Д.Ганзоригт холбогдох маргааныг хэрэгсэхгүй болголоо

Үндсэн хуулийн Цэцийн Их суудлын хуралдаанаар иргэн Б.Төртүвшингийн гаргасан гомдлыг хэлэлцлээ. Тодруулбал,  Дээд шүүхийн Ерөнхий шүүгч Д.Ганзориг өөрт нь хаягласан гомдлын хариуг ажлын албаараа дамжуулан өгсөн нь Үндсэн хууль зөрчсөн гэж үзэн  иргэн “Т” гомдол гаргаад байсан юм.

Ингэхдээ "Т" нь 2019 онд Дээд шүүхийн Захиргааны хэргийн танхимын гаргасан шийдвэрт 2020 оны нэгдүгээр сард гомдол гаргаж, тухайн үеийн Ерөнхий шүүгч Х.Батсүрэн ажлын албаараа дамжуулан  хариу өгсөн байдаг.  Өмнө нь гаргасан энэ талаарх хариу тайлбарыг  дахин Ерөнхий шүүгч Д.Ганзориг  ажлын албаараа дамжуулан өгсөн нь Үндсэн хууль зөрчсөн гэж үзэн иргэн "Т" гомдол гаргасан уг асуудлыг Цэц өнөөдөр /2022.03.28/ хэлэлцээд дээрх үүсгэсэн маргааныг хянан шалгах явцад цугларсан баримт болон Үндсэн хуулийн Цэцийн Их суудлын хуралдааны явцад маргагч талуудын тайлбар зэргээс үзэхэд энэхүү асуудал нь Үндсэн хуулийн Цэцийн маргааны шинжийг агуулаагүй тул хэрэгсэхгүй болгох нь үндэслэлтэй байна гэдгийг мэдээллээ.

Үндсэн хуулийн Цэцийн маргаан хянан шийдвэрлэх тухай хуулийн 31.2 дахь хэсгийг үндэслэн магадлал гаргах нь, Улсын дээд шүүхийн Ерөнхий шүүгч Д.Ганзориг Монгол Улсын Үндсэн хуулийн 47.1 дэх хэсэгт Монгол Улсад шүүх эрх мэдлийг гагцхүү шүүх хэрэгжүүлнэ. Хоёр дахь хэсэгт ямар ч нөхцөлд шүүх байгууллага шүүх эрх мэдлийг өөр байгууллага эрхлэн хэрэгжүүлэхийг хориглоно.

Гурав дахь хэсэгт шүүхийг зөвхөн Үндсэн хууль болон бусад хуулийн дагуу байгуулна. 50 дугаар зүйлийн хоёр дахь хэсэгт "Хэрэв Улсын дээд шүүхийн шийдвэр хуульд харшилбал түүнийг УДШ өөрөө хүчингүй болгоно гэж заасныг зөрчсөн эсэх маргааныг хянан шийдвэрлэх ажиллагааг хэрэгсэхгүй болгосугай. Хоёрдугаарт, Үндсэн хуулийн Цэцийн 2022 оны нэгдүгээр сарын 18-ны өдрийн маргаан хянан шийдвэрлэх ажиллагаа үүсгэх тухай гуравдугаар тогтоолыг хүчингүй болгосугай.